Sagardo naturala

Ahal den heinean, bertako lehengaia erabiltzen dugu. Horixe da gure filosofia.
Sagastirik onenak ditugu, eta horrenbestez, ahalik eta epe laburrenean horiei esker hornituko dugu, erabat, gure sagardotegia.

Produktu on bat ekoizteko, funtsezkoa da kontsumitzailearen nahiak eta zaletasunak ezagutzea, eta baita sagastiak zein sagar mota guztiak lortu nahi den sagardoaren ezaugarrietara egokitzea ere.
Urtero-urtero beharrezkoak diren parametro agronomiko guztiak aztertzen ditugu sagasti bakoitzean, zuhaitzak ez dezan estresik izan. Era horretan, gutxieneko sagar ekoizpena bermatzen dugu; betiere, kalitate onenekoa.

Neguko zein udako inausketak egiten ditugu, zuhaitzaren indarra eta gehiegizko sagar ekoizpena kontrolatzeko. Horri esker, kalitate handiagoko fruitua lortzen dugu, eta ekoizpen mugatua, kalitatezko sagardoa eskaini ahal izateko.

Urdaira Sagardotegian ingurumenari begirako konpromisoa dugu; horretarako, fruituak direnik eta osasun baldintza onenak izan ditzan beharrezkoak diren tratamendu fitosanitarioak ahalik eta gehien mugatzen ditugu, fruituen bitartez gure edarietara komenigarriak ez diren mikroorganismoak iristea hein handi batean galarazteko.

Kutxetan biltzen dugu sagarra; hartara, fruituak alferrikako kolpeak hartzea saihesten dugu. Hartara, sagarra oso osasun egoera onean egongo da, birrindu aurretik.

Era berean, zelaian sagarrak pilatzea saihesten dugu, eta egun batean bildutakoak egun berean prozesatzen ditugu, hurrengo egunerako pilatuta utzi gabe. Horri esker, sagarra ez da hartzitzen birrintzera eraman aurretik.

Prozesatu aurretik, sagar guztiak garbitu, eta azken produktuaren ezaugarriak eralda ditzaketen ale guztiak erretiratzen ditugu.

Behin sagarra aukeratu dugunean, birrindu egiten dugu, eta prentsatu, oso-osorik altzairu herdoilgaitzezkoa den presio txikiko makina pneumatiko bat baliatuta.

Lortutako edaria altzairu herdoilgaitzezko andeletara bideratzen dugu, eta tenperatura kontrola jartzen diogu. Hartara, 12-18 orduan behin hondar garbitzea gauzatzen du (partikularik astunenak andelaren azpiko aldera bultzatzea, alegia), 10-12ºC-tako tenperaturan.

Edari guztien hondar garbitzea gauzatu ostean, beharrezkoak diren azterketak egiten ditugu, lortu nahi dugun sagardoaren ezaugarrien araberako nahasketa oro gauzatzeko.

Edari guztiak nahastu ostean, alkohola hartzitzeari ekiten diogu: kontrolatutako tenperaturan, eta gehienbat, altzairu herdoilgaitzezko andeletan.

Sagardoa erabat lehorra dagoenean (inolako azukre hondarrik gabe), bigarren aldiz hartzitzen dugu: hartzidura malolaktikoa esaten zaio horri, azido malikoa azido laktiko bihurtzen baita. Prozesu horretarako 4 bat aste behar izaten dira.

Ondoren, sagardoa ontzialdatu egiten dugu (andel batetik bestera), eta andelaren azpiko aldean dauden atalik lodienak kendu egiten ditugu; denbora luzeagoan irautea nahi dugun haiek, aldiz, altzairu herdoilgaitzezko andeletara ontzialdatzen ditugu.

Eta lehenbailehen botilaratu nahi ditugunak, azkenik, zurezko kupeletara ontzialdatzen ditugu, garbitzen joan daitezen, eta hartara, botilan hondar gehiegi geratzea eragozteko.

 
Contact